Lola, halos 'di nakahinga sa loob ng kotse matapos iwan ng mga kasama para mag-shopping

Muling nag-viral sa social media ang post ng isang concerned netizen matapos nitong ibahagi ang sitwasyon ng isang lola na halos hindi na makahinga matapos iwan sa loob ng kotse ng mga kasama nito para mag-shopping.

Kwento ng nagpost na si Grace Samillano-Lacusong, natagpuan niya ang isang lola na mag-isa sa loob ng saskayan na halos hindi na makahinga, pawis na pawis at nagugutom na.

Nang tanungin ni Grace ang lola kung nasaan ang mga kasama, sinabi nito na nasa 'palengke' ang dalawa nyang kasama.

Kwento ni Grace, gutom, uhaw na uhaw at pawisan na umano ang naturang lola nang makita nya ito.


"Nakakapanggigil ng laman!!! Di na makahinga ng maayos si Nanay sa sasakyan, pawis na pawis na rin sya. Nakita ko na agad sya from afar. Nung papalapit na ko, nagmamakaawa na sya palabasin. I was parked beside their vehicle," aniya.

Dagdag pa nya, wala raw paging system ang nasabing establishment kung kaya hindi madali ang naging paghahanap sa mga kasama ng naiwang matanda.


"I called the guards and other staff to page the owner of the vehicle sa loob ng SnR Alabang, sad to say they don’t have a paging system. Kung meron lang sana, napadali pag hanap sa may ari ng sasakyan," kwento ni Grace.


Ang naturang post ay ini-upload pa noong Disyembre 11, 2020 pa, ngunit muli itong nag-viral dahil sa nakakaawang sitwasyon ng lola at dahil sa likas na sa mga Pilipino ang magmalasakit sa mga nakakatanda.